30 тамызда атмосфералық ағындардың өтуіне байланысты республиканың басым бөлігінде күн күркіреп, жаңбыр жауады және екпінді жел тұрады, орталықта және шығыста бұршақ жаууы мүмкін, оңтүстікте шаңды дауыл соғады, деп хабарлайды Baq.kz ақпарат агенттігі Қазгидрометке сілтеме жэасап.

Солтүстікте, орталықта кей жерлерде тұман күтіледі. Қазақстанның батыс және оңтүстігінде әдеттегідей күн райы ашық болады.
Ақмола, Павлодар облыстарының кей жерлерінде түнде және таңертең тұман түседі.
Солтүстік Қазақстан облысында түнде кей жерлерде тұман түсіп, күндіз кей жерлерде дауыл соғады. Жел секундына 15-20 метрге жетіп, 25 м/с дейін үдейді, бұршақ жаууы мүмкін.
Шығыс Қазақстан облысында, түнде Қарағанды облыстарының кей жерлерінде жел 15-20 м/с күшейеді, бұршақ жаууы мүмкін, түнде Қарағанды облысының кей жерлерінде тұман түседі.
Қостанай, Алматы, Қызылорда, күндіз Түркістан, Жамбыл облыстарының кей жерлерінде жел 15-22 м/с күшейіп, Қызылорда облысында шаңды дауыл соғады.


Baq.kz