Алаш туралы жаңа деректі фильм көрсетіледі
QAZAQSTAN ұлттық арнасы Алаш қозғалысы туралы жаңа деректі фильмді көрермен назарына ұсынады, деп хабарлайды ҚазАқпарат."Беймәлім Алаш" деректі фильмдер топтамасының алғашқы сериясы ұлт көсемі Әлихан Бөкейханұлына арналмақ. Фильмнің тұсаукесері Ұлттық арнада 5 тамыз күні сағат 12:45-те өтеді. Айта кетсек, бұдан бұрын «Qazaqstan» ұлттық телеарнасының бастамасымен Алаш қайраткерлерінің тағдырын арқау еткен «Тар заман» телехикаясы көрерменге жол тартқан еді. Оның кейіпкерлері - бір ғасыр бұрын азаттық үшін күрескен Алашорда қозғалысының көсемі мен мүшелері. Бұл сериалда жалпы 37 тарихи кейіпкер бейнеленген.
