«Көгілдір отынға» қосылған ауылдар саны артты

Аудан тұрғындары үшін инфрақұрылымды дамыту, соның ішінде табиғи газға қосылу – тұрмысты жеңілдететін маңызды қадамдардың бірі. Жыл басынан бері аудандағы №21 бекет, №22 бекет және Жансейіт елді мекендері көгілдір отынға қосылып, тұрғындар отын жарып, күл шығарудан құтылды.
Қазіргі таңда жалпы аудан ­бойынша 16 елді мекен көгілдір отынның игілігін көріп отыр. Бұл – экологиялық жағынан да, тұрмыстық жайлылық тұрғысынан да үлкен жетістік. Тұрғындар үшін бұл – қауіпсіздік пен үнемнің кепілі.

Аудан басшылығының айтуынша, алдағы уақытта газдандыру жұмыстары жалғасып, тағы бірнеше елді мекен кезең-кезеңімен қосылады деп жоспарланған.

«Көгілдір отын – ауыл тіршілігінің жаңа тынысы», – дейді ауыл тұрғындары. Осылайша, аудан халқы өркениетті өмірге бір қадам жақындап келеді.