Ауыл келбетін айшықтайтын аркалар орнатылуда

Бестам, Бидайкөл, Байсын, Жөлек және 1 Мамыр елді мекендерінің кіреберісіне заманауи талапқа сай аркалар (ауыл паспорттары) орнатылды. Бұл игі іске аудандық бюджеттен 70 миллион теңге көлемінде қаржы қарастырылған.
Аркалар – тек сәндік нысан ғана емес, ауылдың төлқұжаты іспетті. Әрбір елді мекеннің тарихы мен болмысын айшықтайтын мұндай архитектуралық элементтер тұрғындарға мақтаныш, ал сырттан келген қонақтарға көркем әсер сыйлайды.

Ауыл көркі – елдің айнасы. Сондықтан мұндай жұмыстар ауыл ажарын ашып, тұрғындардың ­рухани серпіліс алуына да себеп болмақ.