Қауіпсіздік маңызды

Қысқы аспан от шашуларымен жарқыраған сәтте әрқайсымыздың көңіліміз көкке өрлегендей болады. Дегенмен, мерекенің осы жарқыраған сәті қауіпсіздік сақталмаса, өкінішті жағдайға айналуы мүмкін. Мен, Шиелі станциясы Желілік полиция бөлімшесінің бастығының міндетін атқарушы полиция капитаны К. Ерниязов, тұрғындарды мереке кезінде сақ болуға шақырамын.

2025 жылғы 5 желтоқсаннан 12 желтоқсанға дейін біздің бөлімше қызмет көрсету аумағында «Пиротехника жедел-профилактикалық іс-шарасы» өткізеді. Біз заңды және жеке тұлғалардың пиротехникалық бұйымдарды сақтау, қолдану, тасымалдау және жою ережелерін қатаң бақылаймыз, сондай-ақ сертификатталмаған өнімдердің таралуына жол бермейміз.

Қызметкерлеріміз рейдтер жүргізіп, азаматтарға пиротехниканы қауіпсіз пайдалану жолдарын түсіндіруде. Мен барлық тұрғындарды мереке кезінде сақтық шараларын ұстануға, өзіңізді және жақындарыңызды қорғауға шақырамын. Мерекелік оттар сізге қуаныш сыйласын, бірақ абай болуды ұмытпаңыз. Қауіпсіздік – әрқайсымыздың қолымызда!