"НЕВАДА-СЕМЕЙ" ҚОЗҒАЛЫСЫНА 36 ЖЫЛ
Шиелі ауданы әкімдігінің қолдауымен қоғамдық даму бөлімінің тапсырысы аясында "Қазалы-Жомарт" қоғамдық бірлестігінің ұйымдастыруымен 29 тамыз күні «Невада-Семей» қозғалысының зардабын жоюға қатысып, құрбан болған азаматтарды еске алу мақсатында Шиелі кентіндегі Көкшоқы мөлтек ауданында орналасқан “Тағзым алаңында” гүл қою рәсімі өтті.Шараға Шиелі ауданы әкімінің орынбасары Б.Ысмағұлов, «Невада-Семей» қозғалысының ардагерлері, зиялы қауым өкілдері, білім беру мекемелерінің өкілдері, жастар мен БАҚ өкілдері қатысты.
Жиналған қауым «Невада-Семей» қозғалысының зардаптарынан құрбан болған азаматтарды бір минут үнсіздікпен еске алды.
«Невада-Семей» қозғалысының ардагерлеріне арналған ескерткішке гүл шоқтары қойылып, қаза тапқан жерлестеріміздің рухына құран бағышталды.
Қазақстанның қуат қорғаны - бірлігінде. Сыр елінің бірлігі, тіршілік тірлігі отан қуатына арналады. Еліміз тыныш болсын, тек бейбіт күнмен тыныстасын!
