«Бурабай» ұлттық паркінде Жұмбақтас табиғи ескерткішке кіру жабылды. Бұл туралы парктың Instagram парақшасында хабарланды, деп жазады Egemen.kz.  

«Жұмбақтас жартасты шыңы – эстетикалық қана емес, мәдени құндылығы да зор бірегей табиғи ескерткіш. Жартасқа шығуға қатаң тыйым салынады! Бұл тек табиғатты қорғау ережелерін бұзу ғана емес, сонымен қатар өмір мен денсаулыққа қауіп төндіреді. Белгіленген шектеулерді сақтап, Қазақстанның табиғи мұрасына ұқыпты қарауды сұраймыз», делінген хабарламада. Сондай-ақ, ережені бұзғандар әкімшілік жауапкершілікке тартылады деп атап өтілген.