Үндістанның Дели қаласында өткен белбеу күресінен жасөспірімдер арасындағы Азия чемпионатында Шиелі ауданының спортшылары жоғары нәтиже көрсетіп, еліміздің абыройын асқақтатты. Бүгін ауданымыздың мақтаныштарын жерлестері Қазақстан темір жолының Шиелі филиалында салтанатты түрде қарсы алды. Одан кейін «Арман» мәдениет үйінде жеңімпаздар аудан әкімінің алғыс хатымен марапатталды.

Чемпионат нәтижелері:

- 70 кг салмақта – Медетбеков Бекарыс – I орын

- 50 кг салмақта – Омарханова Нұрайым – II орын

- 70 кг салмақта – Сәдібеков Наурызбай – II орын

Аудандық мәслихат төрағасы Мұрат Тұрабаев, “AMANAT” партиясы Шиелі аудандық филиалының төрағасы Болат Сыздық спортшылар мен олардың жаттықтырушыларын шын жүректен құттықтап, олардың жетістіктері Шиелі ауданының спорт саласындағы дамуының айқын дәлелі екенін атап өтті. Бұл жеңіс жас спортшыларымыздың қажырлы еңбегі мен жаттықтырушыларының кәсіби шеберлігінің нәтижесі. Ауданымыздың спорт саласындағы осындай жетістіктері болашақта да жалғасын табады деп сенеміз.