ШҚО-ның Глубокое ауданы Предгорное ауылындағы май зауыты аумағында қабықты түйіршіктеу цехынан өрт шығып, түтін 4 пен 6-шы қабаттарға тараған.
Күнбағыстың қабығы өртенген. Объектінің қызметкерлері мекемеден уақтылы шығып үлгерді. Шақырту орнына келген өрт сөндіру топтары қауіпсіздік техникасын сақтай отырып, өрт шығудың жоғары дәрежесі бойынша жұмыс істеді, - делінген ақпаратта. 50 шаршы метр алаңға тараған өрт сөндіріліп, өрт сөндірушілердің жедел әрекеттерінің арқасында объектінің негізгі жабдықтарына зақым келген жоқ.
