Жігіттер бақ сынады
Жуырда Шиелі индустриалды-аграрлық колледжінде аудандық қоғамдық даму бөлімінің «Жастар ресурстық орталығы» КММ-нің ұйымдастырумен «Жігіт сұлтаны-2024» байқауы өтті. «Салауатты өмір салтын насихаттау және жастар шығармашылығын дамыту» әлеуметтік жобасы аясында өткен байқауда 10 жігіт өнер көрсетті. Байқау 5 кезеңнен тұрды.Бар өнерін ортаға салған азаматтар, әр кезеңде өздерін жаңа қырынан таныта білді. Әділқазы құрамының шешімі бойынша I орынмен Ерік Серікұлы «ЖІГІТ СҰЛТАНЫ» атанса, ІІ орынмен Әлихан Мысырұлы марапатталды. Ал ІІІ орын Бекжан Сейтжанұлы бұйырды. Көрермен көзайымына айналған Нұрым Балғынұлы арнайы номинация иегері атанды.
Барлық қатысушыларға белсене қатысқаны үшін алғыс хат пен қаржылай сыйлық табысталды.
«Өскен өңір» ақпарат
