Қостанайда өткен республкалық бәйгеге 88 тұлпар әкелінді. Алдымен 3 шақырымдық жарыс болды, деп хабарлайды ҚазАқпарат. 

Бұл жарыста алматылық Бақыт Сәдуақасов есімді шабандоз бірінші орын алса, 9 шақырымдық жарыста Ақжол Жұматай озық келді. Жеткіншекке «Peugeot» көлігін сыйлады.
Ақжолдың тұлпары 21 шақырымдық мәреде де бірінші болып келіп, тағы бір көлікке ие болды.
“Сегіз жасымнан бастап бәйгелерге қатысамын. Ат баптауды ағам үйретті. Өзім Қордайда туғанмын. Бәйгелерде Алматы облысының атынан шығамын. Осы уақытқа дейін 55 автокөлік ұттым, – деді аламан бәйгенің жеңімпазы Ақжол Жұматай.
Мұнан соң бөктергісі мен білегі мықты жігіттердің бәсекесі – көкпарға кезек келді. Финалда Таран ауданының спортшылары Қостанай облыстық ІІД құрамасын ұтты. Үшінші орын Қостанай ауданының көкпаршыларына бұйырды.
Stan.kz