Осы мерекеге орай аудандық ардагерлер үйінде кеше Шиелі ауданының қоғамдық даму бөлімінің мемлекеттік әлеуметтік тапсырысы шеңберінде «Қызылорда облысының жастар Одақтары» қоғамдық бірлестігінің ұйымдастыруымен «Жергілікті әйелдер кеңестері жұмысын дамыту және отбасы мен неке құндылықтарын насихаттау бағытында шараларды ұйымдастыру қызметі» әлеуметтік жобасы аясында отбасылық құндылықтарды насихаттау, әкелерді құрметтеу мақсатында «Әке –әркімнің сүйенер тіреуі» атты ардагерлер және жас әкелердің қатысуымен дөңгелек үстел өткізілді.

Шараны аудан әкімінің орынбасары Б.Ысмағұлов жүргізіп отырды.

Жиында білім бөлімі басшысының міндетін атқарушы М.Ақпанбетов қоғамдағы әкелердің ролі мен әке мен бала арасындағы байланыс, әкелер институтының қоғамдағы орны жайында баяндама жасады.

Қоғамдық кеңес мүшелері ардагерлер өз ойларымен бөлісіп, пікір алмасты. Шара соңында Отбасын қолдау орталығының мамандары әкелерге тренинг жүргізді.