“БІР МЕКТЕП - БІР ЖОБА” БАЙҚАУЫ БОЙЫНША ШИЕЛІ АУДАНЫНЫҢ ДИРЕКТОРЫ ҮЗДІК АТАНДЫ
2024 жылдың 8 сәуір күні Қызылорда облысында жыл басында аймақтың бас ұстазының идеясымен бастау алған облыстық “Бір мектеп-бір жоба” байқауы өткізілді.Өңірдегі білім беру ұйымдары басшыларының инновациялық және кәсіби тәжірибелерін анықтау, тәжірибе алмасу, білім беру жүйесіндегі өзіндік кәсіби имиджді қалыптастыру мақсатында өткен байқау қорытындысымен Шиелі ауданы бойынша білім бөліміне қарасты № 41 мектептің директоры ЕЛЖАСАРОВА АЙГҮЛ “Түлектер қауымдастығы - мектеп өмірінде” жобасымен “Үздік сабақ” номинациясын иеленді.
Сонымен қатар, №149 Ә.Монтаев атындағы орта мектебінің директоры Айнұр Архабаева, №153 Ш.Есенов атындағы мектеп-лицейінің директоры Қанат Амзиев білім басқармасының басшысы Асқарбек Есжановтың арнайы алғыс хатымен марапатталды.
Қатысушы мектеп директорларды шын жүректен құттықтаймыз. Жетер жетістіктеріңіз көп болсын!
