«Қылышын сүйретіп қыс келеді». Қаһарлы қысқа ертерек қамданбасқа болмайды. Әсіресе су айдындарындағы сақтық жұмыстар күн тәртібінен түскен емес. Осыған байланысты Шиелі ауданы, Тартоғай ауылдық округінің жерінде орналасқан «ШАХ» шаруа қожалығына қарасты «Қалғандария» су айдыны қыс маусымына байланысты сақтық жұмыстарын ұдайы атқарып келеді.

Атап айтар болсақ, балықтардың қырылуына қарсы іс-шараларды жүргізу, соның ішінде қыс мезгілінде мұз шұңқырларын бұрғалау және мұз ойстарын ою. Тірі табиғат объектілеріне және олардың мекендейтін ортасына жанашырлықпен қарау идеясын, көл тазалығына назар аудару және заңсыз балық аулауға тиым салынатындығын ескерулеріңізді сұраймын! Табиғат байлықтарын қорғайық! Тіршілік көзі саналатын су айдындарын таза ұстайық!