Байқамай су ішіп, тамақ жесе ораза бұзыла ма?

Рамазан айындағы парыз оразасы болсын, сүннет не нәпіл оразасы болсын қандайда бір ораза ұстаған кісі ұмытып ішіп не жеп қойса оразасы бұзылмайды.

Мұсылман ораза екендігі есіне түскен сәтте ішіп-жеуін бірден тоқтатуы керек. Пайғамбарымыз (оған Алланың салауаты мен сәлемі болсын): 
«Ауызы берік адам ұмытып ішіп-жесе, оразасын бұзбай толықтырсын. Өйткені оған жегізген де, ішкізген де – Алла», деген.  
Ал егер оразам бұзылды деген оймен, білместікпен ішіп-жеуін әрі қарай жалғастырса, Рамазан айынан соң сол күннің қазасын өтеу керек.