ЖЕЛТОҚСАНШЫЛАРМЕН КЕЗДЕСУ ӨТТІ

Тәуелсіздік күні қарсаңында аға ұрпақ пен жас ұрпақ өкілдерінің басын қосып, айтулы мерекенің мән-маңызы жайлы ой өрбітуді жөн көрген Арман мәдениет үйінің қызметкерлері ауқымды шара ұйымдастырды.
Жиын тәуелсіздік жолында жанын қиған жандарды 1 минут үнсіздікпен еске алудан басталды. Одан соң қатысушыларға кеш қонақтары, Желтоқсан оқиғасының куәгерлерін таныстырып, сөз кезегін ұсынды. Жиынға арнайы шақырылған оқиға куәгері Сақыпназар Әйтенов бүгінде №6 кен басқармасына қарасты №1 цехтың бұрғылау инженері, ал Ұлболған Бисариева болса №206 Жиделіарық ауылдық мектеп директорының орынбасары, Роза Есенбекова №244 Ы.Жақаев атындағы орта мектеп мұғалімі болып қызмет етеді. Олар Желтоқсан оқиғасының ызғары мен бейбіт күннің бағасы жайлы ой-пікірлерімен бөлісіп, бастарынан өткен оқиғаларын баяндап берді.