Алтайдан Алатауға дейін ұлан-ғайыр жерді мекен еткен ата-бабаларымыз тәуелсіздікті арман еткен. Еліміздің егемендік алуы, мемлекеттің тәуелсіздігі халқымыздың тарихында жаңа дәуірдің бетін ашты.

Шара барысында оқушылар желтоқсан оқиғасына байланысты көрініс көрсетіп, өлеңдер оқып, патриоттық әндерді нақышына келтіріп айтты. Тағзым кешіне Шиелі аудандық ішкі саясат бөлімінің бас маманы Г.Махан, Шиелі ауданы бойынша этносаралық қатынастар жөніндегі сарапшысы Г.Садуақасова, желтоқсан оқиғасының куәгері №50 Абай атындағы орта мектеп кітапханашысы Ш.Қилыбаева қатысып, оқушыларға желтоқсан оқиғасына ­байланысты тың деректермен бөлісті. Алаңға шыққан жастардың ­бастарынан кешкен оқиғалары, көрген қиындықтары жайлы айтып, егемен елдің тәуелсіздігі оңай келмегенін түсіндірді. Жас ұрпақты елін жерін сүюге, өз елінің ­патриоты болуға шақырды.

Ұлы дала елінің ұлық мерекесі – Тәуелсіздік күніне патриоттық сезімдерін шығармашылықтарымен таныта білген 5-6 сынып оқушылары және қазақ тілі пәнінің мұғалімі А.Өтебева марапатталды.

«Өскен өңір» ақпарат