"ЖАСЫЛ ЕЛ" ЖАСТАРДЫ ШАҚЫРАДЫ

Қызылорда облысының Жастар Одақтары Қоғамдық Бірлестігі және облыстық "Жасыл ел" еңбек жасағының ұйымдастыруымен "Жасыл ел" еңбек жасағының жазғы еңбек маусымының басталуына орай, ақпараттандыру жұмыстарын жүргізу мақсатында, кезекті кездесуді Қызылорда медициналық жоғары колледжінің белсенді студенттерімен өткізді. Кездесу барысында Облыстық "Жасыл ел" еңбек жасағының жоба үйлестірушісі Жандос Аманкелді Ғабитұлы студент жастарды жазғы еңбек маусымына жұмыс жасауға, сонымен қатар, студент жастардың жазғы демалыс уақытын тиімді пайдаланып, еңбек жасағының қатарына қосылып, еңбек етуге шақырды. Кездесу барысында белсенді студенттер өздерін қызықтырған сұрақтарға жауап алып, еркін пікір алмасты.
Ақпарат көзі: Жастар Одақтары қоғамдық бірлестігі