Электронды үкімет порталы бейнеқызмет түрлерін көбейтеді
Цифрлық даму, инновациялар және аэроғарыш өнеркәсібі министрі Бағдат Мусиннің айтуынша, мемлекеттік қызметтерді электрондық форматқа ауыстыру жоспарға сәйкес жүргізіліп, бүгінде олардың үлесі 94 процентке жеткен.Сондай-ақ, ұлттық жоба аясында мемлекеттік қызмет көрсетудің 175 бизнес-процесіне жаңа әдістеме бойынша реинжиниринг (толықтай қайта қарау) жасалған. Нәтижесінде жұмсалатын қағаз саны мен қажетсіз бюрократия жойылған. Ал 2025 жылға дейін барлық 5 мың бизнес-процеске толық реинжиниринг жасау жоспарланып отыр.
Сондай-ақ, қазірдің өзінде 9 мемлекеттік қызмет түрін Халыққа қызмет көрсету орталықтарына бармай-ақ, бейне-қызмет арқылы алу мүмкіндігі іске асырылуда. Жыл соңына дейін олардың саны 44-ке дейін артады. Мұнан бөлек ХҚКО-ларды жаңғырту жоспары 8 жаңа фронт-офис ашылып, 2024 жылға дейін 115 халыққа қызмет көрсету орталығы жаңғыртылмақ.
Р.БЕКТҰРҒАНҰЛЫ
