Коронавирустың тәуліктік көрсеткіші төмендеуде

Қазақстан бойынша COVID-19 таралуына жол бермеу жөніндегі ведомствоаралық комиссия 14 тамыздағы эпидемиологиялық жағдай деректерін жария етті.
Өткен тәулікте елімізде 930 адам коронавирус инфекциясын жұқтырған. Ал жалпы елімізде коронавирус инфекциясын жұқтырғандар саны 1 377 898 адамға жетті. Оның ішінде Қызылорда облысы бойынша – 23.

Сондай-ақ Қазақстанда 1 252 адам коронавирус инфекциясынан жазылып шықты. Коронавирус инфекциясына қарсы вакцинаның 1-ші компонентін 9 572 423, ал 2-ші компонентін 9 351 506 адам салдырды.