Озық технологияның дамыған кезеңінде кез келген ақпараттан дер кезінде құлағдар болуға мүмкіндік мол. Алайда, қоғамда орын алған кейбір келеңсіз жағдайлар адамзат баласына кері әсерін тигізіп те жатады. Айталық, баспасөз беттеріне үңілсек, көгілдір экранды қоссақ, интернет жүйесін шолсақ, мемлекет мүлкін жымқырған шенді-шекпенділердің қанағатсыз тірліктеріне куә болып жатамыз. Бұл – ел экономикасын алға бастырмайтын факторлардың бірі.

Тәуелсіздік алғанымыздан бері ширек ғасырдан астам уақыт артта қалса да, осы бір жең ұшынан жалғасқан сыбайластықтың әлі де тыйылмауы көпті қынжылтады. Рас, Президент Қ.Тоқаев оңай олжаға құныққан жемқорлармен күресті бәсеңдетпеуді әр жылдардағы халыққа жолдаған Жолдауларында айтып келеді. Мәселен, «Қазақстан халқына» қоры осы жемқорлықтың жолын кесіп, мұқтаж жандарға көмек қолын созуға бағытталған игі істің бірі. Барша қазақстандықтар тарапынан қызу қолдау тауып, болашаққа жасалған бағдаршамға баланған Ұлт Көшбасшысының әрбір Жолдауы елдің мүлкін талан-таражға салмауға, әр іске асқан жауапкершілікпен қарауға, жұртшылықтың игілігі үшін қызмет етуге үндейді.