Бүгін аудандағы азаматтық қоғам өкілдерінен құрылған аудандық қоғамдық штаб мүшелері референдум маңыздылығын халыққа кеңінен түсіндіру мақсатында Жуантөбе ауылдық округі, Алғабас ауылдық мәдениет үйінде ауыл тұрғындарымен кездесті.

Кездесуде штаб мүшелері референдум өткізу – демократиялық дамудың жаңа көрінісі екендігін, референдум арқылы мемлекет пен қоғамның өзара іс-қимылының жаңа жүйесіне көшу жүзеге асырылатындығын атап өтіп, референдумға қатысудың мәні мен әр тұрғынның дауысы маңызды екендігін түсіндірді. Жиынға қатысушылар тарапынан сұрақтар қойылып, заң шеңберінде нақты жауаптар берілді.

Жиын соңында елге оң өзгеріс әкелуге септігін тигізетін, еліміздің Ата заңы - Конституцияға енгізіліп жатқан түзетулерді қолдап, маңызды күні науқанға белсенді қатысуға шақырды.