Бүгін облыстық штаб өкілдері референдум маңыздылығын халыққа кеңінен түсіндіру мақсатында Шиелі кентіндегі "Арман " мәдениет үйінде Шиелі ауданының тұрғындарымен кездесті.

Кездесуге аудан әкімінің орынбасары Алмасбек Есмаханов және Қазақстанға еңбегі сіңген жаттықтырушы, Қазақ спортының жанашыры, Сыр спортын биік белестерге көтерген нар тұлғалы азамат Садық Шоңмұрынұлы Мұстафаев қатысты.

Облыстық штаб өкілдері референдум өткізу – демократиялық дамудың жаңа көрінісі екендігін, референдум арқылы мемлекет пен қоғамның өзара іс-қимылының жаңа жүйесіне көшу жүзеге асырылатындығын атап өтіп, референдумға қатысудың мәні мен әр тұрғынның дауысы маңызды екендігін түсіндірді.

Жиын соңында елге оң өзгеріс әкелуге септігін тигізетін, еліміздің Ата заңы - Конституцияға енгізіліп жатқан түзетулерді қолдап, маңызды күні науқанға белсенді қатысуға шақырды.