Салтанатты кешке Қызылорда облысының қорғаныс істері жөніндегі департаментінің, басқармасы мен бөлімдерінің әскери қызметшілерінің аналары мен жұбайлары, Қарулы күштердің ардагерлері, облыс әкімі жанындағы әйелдер істері және отбасылық-демографиялық саясат жөніндегі комиссия хатшысы Қаламқас Каримова қатысты.
Жиынды ашқанжергілікті әскери басқару органының бастығы полковник Айдын Сағынбеков әйел-аналарды көктем мерекесімен құттықтады. Ол өз сөзінде мерекелік шараның мақсаты әскери қызметшілердің мәртебесін көтеру, болашақ Отан қорғаушыларын тәрбиелеп отырған аналарға құрмет көрсету екенін атап өтті.
 – Ана – тіршіліктің тірегі, отбасының берекесі, адамзаттың тәрбиешісі, жақсылықтың бастауы. Сіздер қандай құрметке болса да лайықсыздар, –  деді полковник Айдын Сағынбеков.
Салтанат кеш соңы Қызылорда облысы филармониясының өнерпаздары мен әскери қызметшілердің бірлесе дайындаған концерттік бағдарламасына ұласты.
                                                                                        
Қызылорда гарнизоны баспасөз қызметінің бастығы
лейтенант Мұхит Қонаров
https://qazaly.kz