Берекелі алтын күз

Бүгінде аудандағы жеке меншік балабақшалардың қызмет көрсету ­сапасы жақсара түскені байқалады. Білім бөлімі тарапынан қойылатын талаптарды ұқыпты ұстанатын бірқатар балабақшалар мемлекеттік тапсырысты да абыроймен орындап келеді. Солардың бірі деп «Айсұлу-Ұ» балабақшасын айтуға болады.
Жуырда аталған балабақшада «Берекелі алтын күз» ертеңгілігі ұйымдастырылды. Шараның мақсаты балаларға күзгі мезгілдің ерекшеліктерін ұғындыру. Сондай-ақ, күз өнімдерімен таныстыру және олардың ағзаға пайдасын түсіндіру. Мерекелік көңіл күй орнату. Балаларды ән салуға, би-билеуге, түрлі іс-әрекеттерге тарту, бейімділіктерін арттыру. Шығармашылық ой қиялдарының дамуына ықпал ету болып табылады. «Айсұлу – 7» балабақшасының әдіскері А.Раймханова мен А.Саметова жүргізген шара өте қызықты өтті. Әсем безендірілген ойын-сауық бөлмесінде балалар күзге арнап өлең оқып, ән салды. Сондай ақ, «Ботақан», «Балапан», «Балдырған» тобының балалары өз өнерлерін ортаға салды. Балалар күзгі өнімдерден көрме ұйымдастырды. Ата-аналар да бұл шараға белсене атсалысты.