Бүгінде ауданымыздағы жеке меншік балабақшалардың қызмет көрсету сапасы жақсара түскені байқалады. Білім бөлімі тарапынан қойылатын талаптарды ұқыпты ұстанатын бірқатар балабақшалар мемлекеттік тапсырысты да абыроймен орындап келеді. Солардың бірі деп «Айсұлу-Ұ» балабақшасын айтуға болады. Жуырда аталған балабақшада «Берекелі алтын күз» ертеңгілігі ұйымдастырылды. А.Раймханова мен А.Саметова жүргізген шара өте қызықты өтті. Әсем безендірілген ойын-сауық бөлмесінде балалар күзге арнап өлең оқып, ән салды. Балалар күзгі өнімдерден көрме ұйымдастырды. Ата-аналар да бұл шараға белсене атсалысты.

«Өскен өңір» ақпарат.