Өскен өңір Osken-onir.kz ақпараттық агенттігі
» » Бір әулеттің қос ұлы

Бір әулеттің қос ұлы

Біз полиция қызметкерлерін қоғамда көрініс тапқан құқық бұзушылықтарды реттеп, олардың салдары мен себептерін анықтайтын қызметкер деп түсінеміз. алайда, полиция қызметінің қаншалықты күрделі һәм қауіпті екеніне мән бермейміз. Міне, осындай өз қызметтерінде Жасаған ерліктерін, ерлік емес басты міндетіміз деп жүрген полиция қызметкерлерін бүгінгі күннің батырлары деуге әбден лайық. Сондықтан, полиция қызметкерлерінің алдағы 23-ші маусым төл мерекесі күндеріне орай бір әулеттің қос ұлы жайлы мақаламызға арқау етпекпіз.Шиелі ауданы, Бәйгеқұм ауылында көпшілік үлгі тұтып, сыйлайтын отбасылардың бірі – Жақыповтар отбасы. Ауданның қауіпсіздігін қамтамасыз етіп, ел ішінде тәртіпті жіті назарда ұстауда талмай қызмет етіп келе жатқан Жақыповтар отбасы татулық пен берекеге толы шаңырақ. Адам өмірі мен ел тыныштығын қылмыскерлердің құрығынан сақтап келе жатқан әулеттің екі бірдей ұлы бүгінде бір салада қызметтерін ұштастырып отыр. Атап айтар болсақ, Нұрдос Жәрдемханұлы мен Нұрғали Бақытханұлының полиция бөлімінде қызмет етіп келе жатқанына ұзақ жылдар болды.

Берекелі отбасынның ізін жалғаған ізбасарлары елдің тыныштығын күзетуге барын салуда. Адам өмірі мен ел қауіпсіздігін қорғау жолында талмай еңбек етіп, қызметі мен отбасын қатар алып келе жатқан Нұрдос Жақыпов 1979 жылы Шиелі ауданы, Бәйгеқұм ауылында дүниеге келген. Одан әрі білімін жетілдірмекке Жезқазған қаласындағы «Ө.А.Байқоңыров» университетіне түсіп, құқықтану факультетін бітіріп шықты. Еңбек жолын Шиелі аудандық ішкі істер бөлімінің учаскелік полиция инспекторы қызметін аброймен атқарып жүр. Шиелі ауданындағы полиция бөлімінде қызметте жүріп, 2006 жылы шаңырақ көтеріп, қазіргі таңда төрт ұл, бір қыз тәрбиелеп отырған ардақты әке, қамқор отағасы. Аудандық полиция бөлімінің учаскелік полиция инспекторы қызметтік шені полиция майоры, талай қылмыстың алдын алып, бұзақылардың жолын ­кескен Нұрдостың ішкі істер органында қызмет еткеніне 17 жыл толды. Осы жылдар аралығында елдің алғысына бөленіп, түрлі марапаттардың иегері атанды.
Аудан тыныштығын кірпік қақпай күзетуде інісі Нұрғали Бақытханұлының да еңбегі орасан зор. Тәуелсіз елдің тыныштығын қадағалаған Нұрғали Жәрдемхан Шиелі ауданы Бәйгеқұм ауылында дүниеге келген. Алматы қаласы Қазақ Ұлттық Аграрлық университетінің «Экономика және құқық» факультетін бітіріп, Шиелі ауданынының ішкі істер бөлімінде жергілікті учаскелік полиция бөлімшесіне жұмысқа орналасады. Қазіргі таңда учаскелік аға инпекторы қызметін атқарып жүрген азамат. Қиындығы мен қызығы қатар жүретін қызметте еңбегі ескеріліп, арнайы марапаттармен марапатталды. Қызметтік шені полиция капитаны. Бүгінде өзгенің өмірін өз өмірінен жоғары қойып, күн-түн демей қызмет етіп келе жатқан бір әулеттің қос ұлы көпшілікке үлгі беретін өнегелі шаңырақ. Сырбаз жігіттердің қызметтік жолда қанаттары талмай қажырлы еңбектің берекесін көріп келе жатқан Жақыповтар отбасы ерекше мақтауға лайықты.

Шапағат Тілеубаев
22 маусым 2021 ж. 833 0

PDF нұсқалар мұрағаты

№48 (9212)

18 маусым 2024 ж.

№47 (9211)

17 маусым 2024 ж.

№46 (9210)

11 маусым 2024 ж.

Жаңалықтар мұрағаты

«    Маусым 2024    »
ДсСсСрБсЖмСбЖс
 12
3456789
10111213141516
17181920212223
24252627282930