Өскен өңір Шиелi аудандық қоғамдық-саяси газет
» » Болмысы бөлек жан еді

Болмысы бөлек жан еді

Шерхан шері айтқан «бір кем дүние. Беу, тұрлауы бос, тиянағы кемшін дүние-ай! Өмірден біріне адал дос, біріне бауырмал туыс, енді біріне әріптес бола білген ЕЛтай Айып ағаның да бұл дүниеден өткеніне жылдың жүзі болыпты. Өмір өтпелі, бәріміз де Абай бабамыз айтқандай, өлмек үшін туғанбыз. Бүкіл жан жүрегіңмен, табиғат берген ізгілігіңмен халқыңа, қоғамға қызмет етудің астарында осы кісілік келбет жатыр. Соңында айта жүрер жақсылығың, адамға жасаған мейірімділігің, туған жеріне адал жасаған қызметің ғана перзенттік абыройыңды биікке көтере түседі.
«Атқан оқтай, шапқан аттай» зымыраған уақыт... Көгілдір көктемнен көп үміт күтіп, Табиғат-Ананың жылуын енді сезіне бастаған ақпанның 28 жұлдызында Елтай Айыптан мәңгіге көз жазып қалдық. Бұл пәниде темір өзекті пенде жоқ. Бірақ, төрге шықса төбедей, төбеге шықса төредей, жақын мен алысты бірдей тең көрген, біріне адал дос, ұжымға сыйлы кісі болған Елтай ағаның адамгершілік болмысы да бөлек еді. 2020 жылдың ақпан айында мына ғаламның құшағына сыймай кеткен қайран жанды ұжымдастары сағынышпен еске алады. Үлкен жүрегі ел деп соққан кешегі серілердің сарқытындай өзіне тән қасқыр мінез, адал жүрек, тік мінезі бар еді. Даурығып көп сөйлемейтін, мақтаншақтыққа қаны қас, өзінің әр сөзіне жауап беруге дайын екендігіне сендіре алатын шынайылығы адамдарды өзіне баурап алатын. Іскер ағамыз «Өскен өңір» редакциясында ұзақ жылдар жүргізуші болып абыройлы қызмет етті. Журналистерді діттеген жеріне дер кезінде жеткізіп, жиналыстарға кешіктірмей уақытында апарып ­отыр­­­ды. Ерекше болмыс иесі Елтай аға өзінің әзілге толы әңгімелерімен дараланып тұратын. Міне көрген түстей уақыт зымырап өте шықты. Тәңірім оған толымды тұлғасына сай салмақты мінез де берді. Оның жылы жүзі мен шырайлы күлкісі көз алдымызда. Елтай ағадай жаны жайсаң, еңбекқор, сергек жанның бейнесі жүрегімізде сақталады.

Е.ДАТКЕНОВ
23 ақпан 2021 ж. 80 0

PDF нұсқалар мұрағаты

№17 (8871)

01 наурыз 2021 ж.

№16 (8870)

26 ақпан 2021 ж.

№15 (8869)

23 ақпан 2021 ж.

Жаңалықтар мұрағаты

«    Наурыз 2021    »
ДсСсСрБсЖмСбЖс
1234567
891011121314
15161718192021
22232425262728
293031 
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам