Облыстық ішкі саясат басқармасының бастамасымен құрылған эксперттік топ мүшелері облыс жастарын қолдаудың өңірлік жобасы үшін Жанақорған, Шиелі, Сырдария аудандарында жастар ресурстық орталығының мамандарымен кездесуде.

Бас қосуда аудан жастарын жұмысқа тарту мақсатында өндіріс орындарын ашу, оларды тұрақты жұмыспен қамту мәселелері сөз болды. Себебі аудан жастарының жартысына жуығы сауда саласында не ауылда «жұмыс істейді». Өндірісте жастар аз. Оларды тұрақты жұмыс орындарымен қамту өзекті мәселе. Аймақта жастарға арналған бағдарламалар қысқа мерзімді және нәтиже болмай жатады. Сондықтан жастардың мәселесін шешетін ұзақ мерзімді бағдарламалар қабылдауды, бос жастарды әскерге тарту мәселесі ұсынылды.