Өскен өңір Шиелi аудандық қоғамдық-саяси газет
» » Желіге қосылған 10 ауыл

Желіге қосылған 10 ауыл

Қазір жастар түрлі әлеуметтік желілерде өте белсенді. Бірі өз парақшалары арқылы танымал болуды ойласа, енді бірі сауда-саттық, бизнесін жүргізу мақсатында қолданады. Түсінгеніңіздей қалтафонды пайдалану, әлеуметтік желілерде төбе көрсету тек бірлікті толтырумен шектелмейді. Қалтафонды қолдану үшін алдымен тұрғылықты жеріңізде желі жүйесінің болуы шарт. Себебі, қазір жер шарының әр түкпірін байланыстырып сан алуан адамдарды, елдер мен құрлықтарды біріктіріп отырған осы – интернет, желі жүйесі. Осы орайда, «Транстелеком» АҚ Қызылорда қаласындағы филиалы «Кызылордатранстелекомның» басқарушы директоры Бағлан Құдияровпен сұқбаттасуды жөн көрдік.
– Қалтафон өміріміздің ең қажетті құралына айналды. Оның қызмет етуі мына сіздердің қызметтеріңіз интернет желісіне байланысты десем, артық айтпаған болармын. Жалпы цифрлы Қазақстан атануымыз барлық азаматтардың сапалы байланысын қамтамасыз етумен байланысты. Осы орайда, интернет желісінің жаңаша өзгерістері бар ма?
– Әрине, талшықты-оптикалық желі жүйесін айтуға болады. Бұл қала мен ауыл арасындағы цифрлық алшақтықты қысқартуға бағытталған желі. 2018 жылы «Қазақстан Республикасының ауылдық елді мекендерін талшықты-оптикалық байланыс желілері технологиясы бойын­ша кеңжолақты қолжетімділікпен қамтамасыз ету» жобасын іске асыру барысында «Цифрлық Қазақстан» бағдарламасы шеңберінде «АЕМ 250+» жобасы бастау алған болатын.
– «АЕМ 250+» жобасының міндеті қандай?
– Жобаның негізгі міндеті – еліміздің 828 аудан-ауылдарындағы 2496 мемлекеттік органдар мен бюджеттік мекемелерді жылдамдығы күшті интернетпен қамтамасыз ету. «АЕМ 250+» жобасы республиканың ірі операторларының күшін біріктірді. Жоба тұрғындар саны 250 адамнан асатын ауылдарда кең жолақты мобильді интернетке қол жеткізу үшін инфрақұрылым құру жобаның басты мақсаты.
– Аталған бағдарламаға сәйкес «АЕМ 250+» жобасын іске асыру барысында Шиелі ауданына қарасты ауыл-аймақтар ене ме?
– Иә, осы жобаны іске асыру барысында 2020 жылдың соңында Шиелі ауданына қарасты 10 ауылға желі жүргізілді. Атап айтар болсақ, Дос­бол би, Алмалы, Бестам, Еңбекші, Жиделіарық, Байсын, Ортақшыл, Ә.Тәжібаев, Бұланбай бауы, Ботабай. Аталған ауыл тұрғындары 93,5% кең жолақты интернет желісіне қосылды.
Жалпы, Шиелі ауданындағы 10 ауылды, мектеп пен жергілікті әкімшілікті, дәрігерлік амбулатория мен полиция бөлімшесін жоғары жылдамдықтағы интернет желісіне қостық. Осы ауылдарға тартылған ТОБЖ ұзындығы 169,2 км құрайды.
–2021 жылғы жоспармен бөліссеңіз?
– Алдағы уақытта осы ауылдардағы әр үйге интернет желісін өткізу жос­парда бар. Бұл дегеніміз 15 мыңнан аса тұрғын толықтай интернетпен қамтамасыз етіледі деген сөз.

Ақбота Баянбай

12 қаңтар 2021 ж. 302 0

PDF нұсқалар мұрағаты

№6 (8860)

23 қаңтар 2021 ж.

№5 (8859)

19 қаңтар 2021 ж.

№4 (8858)

16 қаңтар 2021 ж.

Жаңалықтар мұрағаты

«    Қаңтар 2021    »
ДсСсСрБсЖмСбЖс
 123
45678910
11121314151617
18192021222324
25262728293031
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам