Өскен өңір Osken-onir.kz ақпараттық агенттігі
» » Жол ережелеріне бағынайық

Жол ережелеріне бағынайық

Жаһандану дәуірінде қазақ мемлекетінің дамуына келелі үлес қосып отырған эканомиканың күре тамыры – темір жол саласы. Сондықтан елімізде аталған саланың маңызы өте зор. Сәйкесінше теміржол қауіпті аймақ болып саналады. Теміржолмен жүргенде жаяу жүргінші де, көлік жүргізушісі де жолда жүру ережесін есте сақтап, абай болуы керек. Өтіп жатқан пойызға жол бере отырып, тек қана теміржол өткелдері бойымен кесіп өткен дұрыс. Теміржол өтпесіне кіру жолында жүргінші жол белгілерінің, бағдаршамның орналасуын және өткел бойынша кезекшінің нұсқауын басшылыққа алуға, жақындап қалған пойыздың жоқ екендігіне көз жеткізуге тиісті. Осы жол ережелерін әрбір адам қаперінде сақтауы қажет.
Қазіргі таңда Шиелі ауданында жүк пойыздары және жолаушылар пойыздарының алдынан адам өту мен мал өту деректері тіркелуде. Сондықтан аталған жағдайға байланысты көптеген жұмыс атқарылып жатыр. Аталған жағдай бойынша, Ақмая-Шиелі станциясы аралығында 2954 км, п-5 2205 пойызы келе жатқанда адам өту дерегі тіркелген. Іздестіру нәтижесінде Шиелі кентінің тұрғыны Ж. деген азамат анықталған. Жазалау бойынша әкімшілік хаттама толтырылып, заң жүзінде іс-шара көрілген. Осы сияқты Шиелі станциясы мен ЖПб-ның полиция қызметкерлері жан-жақты обьективті түрде тексерулер жүргізіп жүр. Ендеше, осындай келеңсіз жағдайлар орын алмас үшін, қауіпсіздік ережелеріне бағынайық.

Фариза КЕНЖЕШОВА
07 тамыз 2020 ж. 600 0