"Төтенше жағдай режимін енгізу туралы" Қазақстан Республикасы Президентінің 2020 жылғы 15 наурыздағы №285 Жарлығына сәйкес, 2020 жылдың 18 наурызынан бастап«ANTIKOR ORTALYǴY» қызмет көрсету орталығының қызметі және азаматтарды қабылдау уақытша онлайн режиміне ауысқандығы туралы хабарлаймыз.

Дегенмен, бекітілген кестеге сәйкес Департамент басшылығымен азаматтарды «онлайн» қабылдауды ұйымдастыру қарастырылған. Бұл үшін Департамент кеңсесіне 8 (7242) 23-05-44 нөміріне хабарласу қажет.

Сонымен қатар, барлық азаматтар үшін «е-gov» электрондық үкіметі арқылы, сондай-ақ «ҚазПочта» АҚ қызметтері арқылы өтініштерді беру мүмкіндігі сақталатынын атап өтеміз.

Қағаздағы өтініштерді қабылдау үшін Департаменттің кезекші бөлімінің бақылау-өткізу пунктінде арнайы жәшік орналастырылған.

Сыбайлас жемқорлыққа қарсы іс-қимыл мәселелері бойынша сұрақтарыңыз болған жағдайда, 8 (7242) 23-06-90 нөмірі арқылы Департаменттің жауапты қызметкерлерімен хабарласа аласыздар.

Азаматтар сыбайлас жемқорлық фактілері бойынша Сыбайлас жемқорлыққа қарсы қызметтің «1424» Callорталығына хабарлай алады. Callорталық 24/7 режимінде қызмет жасайды.