«Жаныңда жүр жақсы адам» атты ашық тәрбие сағаты өткізілді

Мерекелік концертті колледж директоры М.Дүйсенов ашып беріп, «Алғыс айту»күнінің тарихымен таныстыра келе, ата-аналарға, ұстаздарға білім алушыларға колледжіміздің көркейіп, білімді ұрпақ тәрбиелеу жолында зор үлестері үшін алғысын білдірді. Мерекелік кеште мың бұралған бишілердің орындауында «Достық биі», «Қазақтың ұлттық биі», «Өзбек ұлтының билерімен» сахнаның көркін ашса, Исаева Айнель, Сауранбек Айзада, Орынбасарқызы Рсалды сынды қыздарымыз патриоттық әндерін тарту етті. № 24 оқу тобының білім алушылары өздеріне білім нәрімен сусындатып жүрген ұстаздарына жеке -жеке алғысын білдіру мақсатында жыр шумақтарымен ұстаздардың жүректеріне жол таба білсе, «Жайдарманшы» жігіттері кешке келген қонақтардың көңілін көтеріп, өз әзілдерімен ата-аналарына, ұстаздарына, достарына деген алғысын білдіріп өтті.