Қазақстан Республикасы Ішкі істер министрлігінің 18.01.2020 жылғы №1-5-2-55/195-И нұсқауына сәйкес, ағымдағы жылдың қаңтар айының 20 мен ақпан айының 20 күндері аралығында аудан көлемінде «Тұрмыс» жедел профилактикалық іс-шарасы өткізілді.

Іс-шараның негізгі мақсаты – «Тұрмыстық зорлық-зомбылықтың алдын алу туралы» және «Құқық бұзушылық профилактикасы туралы» Заңдарының талаптарын орындау мақсатында отбасы тұрмыстық қарым-қатынастар саласындағы құқық бұзушылықтар мен қылмыстарды ескерту және кәмелетке толмағандардың құқықтары мен заңды мүдделерін бұзудың жолын кесу болып табылады.

Іс-шара барысында отбасы тұрмыстық қарым-қатынастар саласы бойынша құқық бұзушылықтың алдын алуда отбасы мүшелерінің өтініші негізінде сот шешімімен 3 адам 6 ай мерзімге облыстық наркология орталығына еріксіз емдеу мекемесіне жатқызылып, 29 адамға қатысты қорғау нұсқамалары шығарылып, 7 адамға қатысты ерекше талаптар белгіленіп, бір айдан 1 жылға дейінгі мерзімге құқық бұзушылыққа бейім адамдар Шиелі ауданының полиция бөлімінің қадағалауына алынып отыр.

Отбасы тұрмыстық қарым-қатынастар саласындағы құқық бұзушылықтар мен қылмыстардың алдын алуда Шиелі ауданының полиция бөлімінің Жергілікті полиция қызметі бөлімшесінің учаскелік полиция инспекторлары мен әйелдерге қарсы зорлық зомбылық тобының инспекторлары тәулік бойы сіздердің арыз-шағымдарыңызды қабылдай отырып, сіздерге отбасы тұрмыстық қарым-қатынастар саласы бойынша кеңес жүргізеді.