Президент Қасым-Жомарт Тоқаевтың жария еткен он бағыты ерікті жастардың да зор қолдауына ие. Ел дамуына бағытталған игі бастамаға жағдай жасау келешегімізді кемел етуге кепіл дейді олар. Ақтөбе облысында мың жарым еріктінінің басын қосқан 20 ұйым бар. Құрамында жоғарғы сынып оқушылары мен студенттер және жұмысшы жастар бар. Биыл олар жастар жылы аясында бірқатар іс-шараларды атқарып келеді.
Ералхан Диаров, ерікті:
- Маған мемлекет басшысының жастарды қолдайтындығы ұнайды. Оның жария еткен бағыттарын іске асыруға өз үлесімізді қосуға дайынбыз. Жалпы соңғы жылдары бізге зор көңіл бөлініп келе жатыр. Сондықтан да біздер еріктілер қозғалысының ісін одан әрі дамытып, жаңа жобаларды іске асыратын боламыз.

Источник: https://24.kz/kz/zha-aly-tar/o-am/item/322261-a-t-be-oblysynda-my-zharym-volonterdi-biriktirgen-20-jym-bar