Биыл қасиетті Қадір түні 31 мамырдан 1 маусымға ауған түнге келіп тұр. Бұл - күллі мұсылмандар қауымы үшін Рамазан айының ең қасиетті түні болып есептелінеді. Осыған орай Sputnik Қазақстан "Қадір түнін қалай қарсы алу керек?" деген сауалды ҚМДБ өкілдеріне қойып көрді.
Көрнекі фото: Baribar.kz
Рассказать ВконтактеРассказать в FacebookРасказать в Twitter

Қазақстан мұсылмандары діни басқармасы насихат және қоғаммен байланыс бөлімінің меңгерушісі Алтынбек Ұтысханұлы бұл түннің еркшелігі туралы айтты.

"Қадір түнінің қасиеттілігі неде десек, алдымен Құран Кәрімнің түсуімен қасиетті дейміз. Ол түн мың айдан да қайырлы делінеді.

Себебі бір түн отырасыз, 83 жыл 4 ай құлшылық ғибадат еткендей сауап аласыз.

Бұл дегеніміз бір адамның өмірі. Сол құлшылықты Алла тағалаға жеткізіп отыратын, барлық періштелер жерге түсетін күн", - деді ҚМДБ өкілі.