Алтын жаһандық дағдарыстан құтқара алады

The Economist басылымы жаһандық экономикалық дағдарыспен күресу үшін алтын активтерін арттыру керектігін жазады.
«Көз алдыңызға экономиканың құрдымға кетіп бара жатқанын елестетіп көріңіз. Адамдар байбалам салып, активтерін жаппай сата бастады. Мұндай жағдайда не істеу керек?», - деп бастайды автор мақаласын. Автордың пайымынша, алтын инфляциядан қорғанудың ең тиімді жолы саналады. «Альтернатива ретінде көбі еуро мен доллар алтынды алмастырады деп санайды. Мысалы, еуроның өз кемшіліктері бар. Ал доллар ше? Доллар жаһандық валюта саналады. 2008 жылғы дағдарыс кезінде доллар бағамы өсті. Жаһандық деңгейде көпшілігі несиені доллармен алуға құмар болса, дағдарыс кезінде керісінше доллардан қаша бастады, тіпті, доллардан бас тартуға кіріскендер де бар. Сол себепті алтынның орны бөлек және оның маңызы қайтадан арта түсті», -деп жазады басылым. 
inform.kz