АҚШ-та лай көшкіні жүрді
Солтүстік Калифорния штатында тоқтаусыз екі күн қатарынан нөсер жауып, лай көшкіні жүрді. Жергілікті ақпарат көздерінің хабарлауынша, аймақта төтенше жағдай жарияланып, 50 үйдің тұрғыны қауіпсіз жерге көшірілді. Дегенмен құтқарушылар қираған үйінділердің астынан бір әйелді аман-есен алып шықты. Табиғи апаттан келген шығын мөлшері анықталып жатыр. Естеріңізге сала кетсек, АҚШ-тың батыс жағалауы аймағында ылғалды маусым басталды. Желдің күшеюі мен өзендегі су деңгейінің көтерілуі жағдайды ушықтырды. Синоптиктердің айтуынша, Калифорнияның оңтүстік аймағына да көшкін жүру қаупі туындап отыр.
www.24.kz
