Кенияда «Флип-Флоп» деп аталатын ерекше қайық сапарға аттанды. 9 метрлік  қайықты толығымен мұхиттан жиналған пластиктік қоқыстардан құрастырлған. Оның көп бөлігі жаға-жайда киетін «Флип-Флоп» аяқ киімдерден құрастырылған. Сондықтан қайықтың да атауын осылай атаған. Ал қайықты жасауға қаржы краудфандинг арқылы жиналған. Жобаның мақсаты - теңіздер мен мұхиттардың ластануына назар аудару. Себебі мамандардың айтуынша айдынға түскен қалдықтар су жануарларына аса қауіпті. Ал белсенділердің бұл шарасын жергілікті билік қоЛдауына ие болды. Өйткені, туризм Кенияның кірісінің басты бір бөлігі болып табылады. Сондықтан үкімет демалыс жаға-жайларының таза болуы үшін түрлі шараларды қолға алып келеді. Өткен жылы мемлекет пластик пакеттерге қатысты әлемде ең қатаң заңның бірін қабылдады. Оған сәйкес, оларды жасағаны, сатқаны немесе қолданғаны үшін 40 мың доллар айыппұл немесе 4 жылға дейін бас бостандығынан айырылуы мүмкін.

www.24.kz