Малайзияда тұратын Джоанне Джозеф есімді қыздың салмағы 13 жасында-ақ 100 келіден асқан. Артық салмақтың кесірінен қызды мектепте көбі келемеждейтін болған. Салдарынан қыз тамақты одан сайын көп жей бастапты. Тіпті, бір тамақтанғанда 5 тәрелке күріш жеп қояды екен. Бұл туралы The Sun басылымына сілтеме жасап Stan.kz хабарлайды.
Сыныптастары Джоаннаны «ұсқынсыз үйрек» атанып кеткен. Тіпті, оның сырт келбетіне қарап мұғалімдері мен туыстары да күлетін болған. Салдарынан қыз күйзеліске түсіп, тамақты көп жей бастапты. 
«Мен өскен сайын көп тамақ жей бастадым. 7 жасымның өзінде салмағым 60 келініп кұрап, балабақшадағы ең семіз бала болған едім. Мұғалімдерім мен сыныптастарым мені келемеждеп, күлетін. Сол себепті күйзеліске душар болдым. Ішімдегіні бөлісетін досым да болмады. Тек күнделігім мен музыка арқылы шерімді тарқататынмын», – дейді Джоанна Джозеф.
16 жасында бойжеткен өзін қола алуды ұйғарады. Ол зиянды тағамдарды жемістермен, көкөністермен алмастырған. Ал түнде үйінің маңында жүгіре бастапты. Нәтижесінде ол 52 келіге дейін арықтаған.
«Достарым мен туыстарым өмірімді адам төгісіз етіп жіберді. 12-16 жас аралығында тозақта жүргендей болдым. Алайда артынша өзімді қолға алдым. Емдәм мен жаттығу залының көмегінсіз арықтау қиынға түсті. Алайда бұл кезде де мені нашақор деп атап, мазақтағандар табылды», – дейді бойжеткен.

Алайда Джоанна бастаған ісін аяқсыз қалдырмады. Ол «Үндістан аруы» байқауында екінші орынды, «Селангор аруы» байқауында бірінші орынды иеленіп, модель болуды ұйғарған.
Stan.kz