Француз коммунасы Эссонда теміржол апаты болып, салдарынан 7 адам зардап шекті. Ауа райы бұзылып, құйын соғуының салдарынан пойыз рельстен шығып кеткен. Франция транспорт министрі Элизабет Борнның айтуынша, жапа шеккендердің жағдайы қазір бірқалыпты. Олардың өміріне ешқандай қауіп төніп тұрған жоқ. Теміржол бекетінің жұмысы уақытша тоқтатылды. Жолаушыларды арнайы автобустар алып кетуде. Айта кету керек, елде жауын-шашын толассыз жауып тұр. Жергілікті ақпарат құралдары бір күннің ішінде 78 миллиметр нөсер жауғанын хабарлады. Бұл 1960 жылғы рекордтық көрсеткіштен асып түсті. «Аптаның соңына дейін күн көзі шыға қоймайды», – дейді синоптиктер.

24.kz