Испания маска режимін қайтарды
Испания 10 қаңтардан бастап тұмау мен коронавирус ауруының өсуіне байланысты ауруханалардағы бетперде режиміне қайта оралды, деп хабарлайды Zakon.kz.
AFP агенттігінің хабарлауынша, жаңа ереже медицина қызметкерлері мен Испаниядағы ауруханаларға келушілерге қатысты.
«Алайда бұл талап жеке клиникаларға, дәріханалар мен стоматологтарға қолданылмайды. Олар бетперделерді өз қалауы бойынша кие алады», – деді Денсаулық сақтау министрі Моника Гарсиа.
Жаңа шаралардың екі аптаға созылатыны атап өтілді. Науқастар саны айтарлықтай төмендей бастағаннан кейін маска режимі жойылады.
Бұған дейін ҚР Денсаулық сақтау министрі Ажар Гиният журналистердің қазақстандықтарды қайтадан бетперде киюге мәжбүрлей ме деген сауалына жауап берген болатын.
