Израильде жасы 60-тан асқан азаматтар вакцинаның үшінші дозасын ала бастады. Бұл әлем бойынша алғашқы көрсеткіш, деп хабарлайды Хабар 24. Бірінші күні екпе 40 мыңға жуық адамға салынған. Тағы 200 мыңнан астамы вакциналауға жазылған. Биліктің жоспары бойынша, осы санатқа жататын тұрғындар, тамыз айының аяғына дейін толық егілуі тиіс. Елдің Денсаулық сақтау министрлігінің мәліметіне сәйкес, сәуір айынан бері ковидтен ауыр дертке шалдыққандар саны алғаш рет 200 адамнан асты. Жалпы бүгінге дейін Израильде вакцинаның қос компонентін 5 миллионнан астам адам қабылдаған. – Өзімді тамаша сезініп тұрмын. Бұған дейін 2 дозаны алған кезде де бәрі жақсы болған. Тіпті бесінші рет вакцина қабылдау керек болса да, келісемін. Иммундау бізге көбірек құқық береді, бұны біздің міндетіміз десек те болады.

​https://24.kz​​​