Жапония үкіметі халықтың өмір сүру сапасын жақсарту үшін төрт күндік жұмыс аптасына көшуді қарастыруда. Билік жұмыс уақытының қысқаруы пандемиядан зардап шеккен елдің туризм саласына да ықпал етеді деп болжап отыр. Жапония бір ай бойы «үш күндік демалыстың таңдамалы жүйесін» тексеріп көрмек. Бұл туралы Daily Mail хабарлады. Ел үкіметі адамдар жұмыс пен жеке өмір арасындағы тепе-теңдікті сақтауы керек екенін атап өтті. 2019 жылы Microsoft Japan компаниясы төрт күндік жұмыс аптасына эксперимент жүргізді. Ол кезде әдеттегіден 40 процентке көп жұмыс істеліп, өнімділіктің жоғарылауы байқалған.

24.kz