"Сәуір айында Джекимен кездескен кезімде "Жусан" гуманитарық операциясы туралы айтқан едім. Бұл оқиға оған қатты әсер етіп, "бұл - фильмнің дайын сюжеті" деген болатын. Кеше Бейжіңде тағы да Джекимен кездесіп, әртүрлі тақырыптарды, жобаларды талқыладық, сол кезде қаңтар айындағы операциядан кейін "Жусанның" тағы бірнеше кезеңі болғанын айтып бердім. Сосын әзірленіп жатқан фильмнің жобасын көрсеттім", - деп жазды Қарин Instagram парақшасында.