Аталмыш телеарнада Өзбекстанның Навои облысында жас отбасылар арасында ажырасу себептері туралы, сонымен қатар жанұяда болатын түрлі проблемалар туралы сюжет көрсетілді. Сюжетте жас жігіт тойдан кейін қалыңдығының ата-анасы «нашар киім-кешек» сыйлағанына шағымданып, содан кейін ажырасуға тура келгенін айтты.

Жергілікті дәстүр бойынша жас жұбайлардың ата-анасы балаларына сарпо (жасау) береді: ер адамдарға – киім-кешек пен аяқ киім, ал қыздарға – ыдыс-аяқ, төсек жабдықтарын сыйлайды.

«Маған Түркияда жасалған киім сыйлайды деп ойлағанмын. Алайда, олар жергілікті жерде жасалған қажетсіз заттарды сыйлады», - деді ер адам телеарнаға берген сұқбатында.

Ол оның достарына тойдан кейін түріктің сапалы киімдері мен аяқ киімдерін сыйлағанын айтып қапаланды.

«Ағалары мен ата-анасы (қалыңдықтың – ред.) жақсы жерлерде жұмыс істейді. Маған да сондай сапалы заттар сыйлайды деп ойлаған болатынмын», - деді қалыңдығына ренжіген жігіт.

Жігіттің ата-анасы сыйлаған киімі экс-қалыңдыққа ұнады ма деген сауалға ол үнсіздікпен жауап берді