Нұр-Сұлтан, BAQ.KZ. Оңтүстіккореялық "Паразиттер" картинасы Канн кинофестивалінің Алтын пальма бұтағы марапатына ие болды, деп хабарланды фестивальдің Twitter-дегі парақшасында.

Фильм режиссері – Пон Джун-Хо. Картина ауқатты отбасының есебінен қаржылық жағдайын шешетін жұмысыз тапқыр отбасының оқиғасын баяндайды. 


Лауреаттардың толық тізімін назарларыңызға ұсынамыз: 
Алтын пальма бұтағы – Паразиттер, Пон Джун-хо;
Гран-при – Атлантика, Мати Диоп;
Әділқазылардың жүлдесі екі картинаға берілді. Олар: "Қуылғандар" Ладжа Ли және Жулиано Дорнеля мен Клебера Мендонса Фильоның Козодой фильмі;
Үздік режиссер – "Жас Ахмед" фильмі үшін ағайынды Жан-Пьер мен Люк Дарденндер.
Үздік ер адам рөлі – Антонио Бандерас, "Дерт және Даңқ " (реж. Педро Альмадовар);
Үздік әйел рөлі – Эмили Бичем, Балақай Джо (реж. Джессика Хауснер);
Үздік сценарий – Селин Скьямма, "Оттағы жас әйелдің портреті";
Үздік  дебют – Сизар Диаз,"Біздің аналарымыз";
Әділқазылардың арнайы жүлдесі – Элиа Сулейман, "Бұл жұмақ болуы тиіс".