Біріккен Араб Әмірлігінің астанасындағы Масдар экошаһарында күннен қуат алатын ғимарат ашылды. 
Жан-жақты жабдықталған жаңа ғимарат күн көзі арқылы 1000 шаршы метр аумаққа электр қуатын беруге қауқарлы. Оған қоса, сыртқы қаптаулар нысан ішіне сәуле өткізбейді. Сондай-ақ, жылыту қондырғылары ғимараттың жыл сайынғы ыстық су сұранысының 75 пайызын өтейді. 

«IRENA орталығы үшін ерекше күн. Біздің ұйымның енді өз ғимараты бар. IRENA қарқынды дамып келеді. Бүгінде оған 140 ел мүше. Тағы 32 мемлекет мүше болуды қалап отыр. Себебі, әлем жасыл экономиканы дамыту қажеттігін түсінді», -дейді «IRENA» халықаралық агенттігі орталығының директоры Хеннинг ВУСТЕР.

Бұл агенттік сондай-ақ «Астана ЭКСПО-2017» көрмесін ұйымдастыру жұмыстарына да атсалысып,елімізбен тығыз байланыс жасап келеді. 


https://reactor.inform.kz/