Түркиядағы президент сайлауына төрт үміткер қатысады. Оның ішінде елдің қазіргі басшысы Режеп Тайып Ердоған да бар.

Мемлекет басшысы лауазымына Режеп Тайып Ердоғаннан бөлек Кемал Кылычдароглу, Мухаррем Инже және Синан Оган үміткер болды. Комиссия мұндай шешімге қол жинау аяқталғаннан кейін келді.
Ердоған мен Кылычдароглының кандидатурасын парламенттік фракциялар ұсынғандықтан, оларға қол жинаудың қажеті болмады.
 
Түркияда президент және парламент сайлауы 2023 жылдың 14 мамырында өтеді.
 
Наурыздың басында Түркияның қазіргі президенті Режеп Тайып Ердоған 14 мамырда жалпы сайлау өткізу туралы жарлыққа қол қойды.