Юта штаты әлеуметтік медиа компаниялардың ата-аналардан балаларының қолданбаларын пайдалануға келісімін алуды және пайдаланушылардың кемінде 18 жаста екенін растауды талап ететін заң қабылдады.

Губернатор штаттағы жастарды қорғаудың екі ауқымды шарасына қол қойғанын айтты.
Заң жобалары ата-аналарға балаларының онлайн-аккаунттарына, соның ішінде жарияланымдар мен жеке хабарламаларға толық қол жеткізуге мүмкіндік береді.
Жергілікті биліктің айтуынша, бұл қадам әлеуметтік медианың балалардың психикалық денсаулығына әсері алаңдатқандықтан жасалып отыр.
Балалар Instagram, Facebook және TikTok сияқты қосымшаларда аккаунттар құрмас бұрын, бейсенбіде қабылданған шараларға сәйкес ата-аналардың немесе қамқоршылардың нақты келісімін алуы керек.
Сондай-ақ заң жобалары әлеуметтік желілерде коменданттық сағатты енгізеді. Яғни балалардың ата-аналары келіспесе, 22:30-дан 06:30-ға дейін кіруіне тыйым салады.